عفا الله عن خطى غدر الخناجر والضلوع ابطال *** بسامح واتركك تحت الظـلام الحالـك إلحالـك
دخليك وفر دموعك تـرا هـدر الدمـوع اذلال *** وترا مافي احد يصبر مثـل صبـري بغربالـك
عشان اكسب هدب عينك تجرعت العذاب اشكال *** وليتك تـرأف بحالـي علشـان أرأف بحالـك
مسوي في حياتي شي مـا يذكـر ولا ينقـال *** حشى حتى العدو وهو العدو مايعمـل اعمالـك
تمسيني على الهم وتصبحنـي علـى الغربـال *** وتقلطنـي فناجيلـك وتقصـر عنـي ادلالـك
تحملتك وتعبت لاجلك وانا حملي يهـد جبـال *** رحلت من العذاب وماوقفـت الا علـى جالـك
علامك كل ماجيـك متواضـع جيتنـي تختـال ***معاك اليا متى بصبر وصبـري معـك يحلالـك
مثل ماقبلـت لعيونـك لـزوم تلدلـي بقبـال *** ومثل ماقد حشمتك حس واحشم قلبي اشوالـك
انا محدن بجابرنـي اسايـر معـك هالمنـوال *** ترا لاني تبيعن لـك ولانيـب اصغـر عيالـك
انا جيت اعشقك نبض ومشاعر ماعشقك تمثال *** انا جيت اسكنك واحياك وابقى فيك وابقى لـك
انا جيت بظمى عاشق تعب يطرد سـراب الال *** انا جيت استفز رضاك مـن فرقـاك والجالـك
انا ماهمت بك عاقل انا كنت اعشقـك بخبـال *** انا ماكنت احبك حي انا كنـت اعشقـك هالـك
تخيل من كثر ماخـاف تلقـى لزعـل مدخـال *** اخاف اخطي على طيفك وادوس برجلي اظلالك
تبعتك والعرب تتبـع رعـود البـارق الهمـال *** وانا شفت المطر يتبعك فـي حلـك وترحالـك
كأن اللي خلق حسنك خلقني مع جسدك اظـلال *** وصرت اقرب جسد يمشي معك بكفاك واقبالـك
صحيح ان الفراق اقسى ولكن الوصـال محـال *** وانا صعبن علي ارضي غرورك واضعف قبالك
بعـد ماحققـت عينـي فبعـدك لرقـاد امـال *** اعـود لسهـر ياخـوي فـال الله ولا فـالـك
ببدل نظرتك فيني واجيلـك كـل يـوم بحـال *** بكون اقرب من ثيابـك عليـك ولا تهيـا لـك
بلمك وانثرك واجمعك وارجع وانثـرك باهمـال *** بخونك وازعلك وارضيك وازعل منك وارضالك
ابرسم بالثرى وجهك وابدفن صورتـك برمـال *** ابشكي للعرب فرقـاك واضحـك عنـد عذالـك
ابهديك الوصال فراق واهديك الفـراق وصـال *** بسوي مثل مااشوفـك تسـوي افعـل افعالـك
عشان تعرف من فينا الزعول ومن وسيع البال *** ابيك تذوق فنجالـي وانـا بـذوق فنجالـك..
نصيحه احتفظ فيها قصر معك الزمن او طـال *** ابي تسمع كلامي زيـن وتحطـه علـى بالـك
اذا هبك هبال اطفال فلك عندي هبـال اطفـال *** ولااااا و ابشر بعد بهبال حبن ماهـو بهبالـك
واذا قصدك تهين اسمي عشان تشمت العـذال *** حشى لا انته ولا غيرك ولا عشره من اشكالـك
للشاعر الكبير \ حامد زيــــــد
مَــنتدىَ آلــ غَ ـــلبآ نـــسوقَ آلــحيه
